ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Хәвеф-хәтәр

Буа районында Ульяновскидан килгән 50 яшьлек ир-ат батып үлгән

29 июль 2019, 07:15 , Фото: ГУ МЧС РФ по РТ

Буа районында Ульяновскидан килгән 50 яшьлек ир-ат батып үлгән
Ирнең гәүдәсен Олы Тилчә елгасы ярыннан өч метр ераклыкта тапканнар.

(Казан, 29 июль, “Татар-информ”). Буа районында Олы Тилчә елгасында Ульяновскидан килгән 50 яшьлек ир батып үлгән. Бу хакта “Татар-информ”га Татарстан Гадәттән тыш хәлләр министрлыгының матбугат хезмәтендә хәбәр иттеләр.

Кичке тугызлар тирәсендә 112 бердәм номерына Яңа Мәртле авылы янында бер ир-атның батып үлүе турында хәбәр итәләр. Ачыкланганча, авыл халкы төш вакытында аның мотоцикл белән елга ягына киткәнен күргән булган.

Фаҗига урынына № 111 янгын сүндерү-коткару бүлеге янгын сүндерүчеләре, № 1 эзләү-коткару отряды хезмәткәрләре, табиблар һәм полицейскийлар килгән.

Төнге унбердә коткаручылар ярдан өч метр ераклыкта ирнең гәүдәсен тапкан һәм полиция хезмәткәрләренә тапшырган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10