ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Икътисад

Сентябрьдән Казан–Хельсинки авиарейсы ябыла

26 июль 2019, 14:12

Татарстан башкаласына ясалган авиарейслар Finnair компаниясенең финанс өметләрен акламаган.

(Казан, 26 июль, «Татар-информ»). Finnair авиакомпаниясе Казан–Хельсинки авиарейсын ябарга карар кылган. Әлеге мәгълүматны авиакомпаниянең матбугат хезмәтендә расладылар.

«Казанга соңгы рейс 15 сентябрьдә ясалачак», - дип хәбәр иттеләр Finnair авиакомпаниясендә.

Авиакомпания вәкиле сүзләренчә, Казаннан тыш, Екатеринбург һәм Самара рейслары да гамәлдән чыгарылган.

«Бу шәһәргә оештырылган рейслар Finnair авиакомпаниясенең финанс өметләрен акламады. Хәзер компаниянең ресурслары яңа юнәлешләргә (Порто, Бордо һәм Болонья) сарыф ителәчәк. Әлеге шәһәрләргә авиарейслар инде киләсе җәйдә үк ачылачак», - дип хәбәр иткән компаниянең матбугат сәркатибе Манти Вяятяйнен-Перейра Финляндиянең Yle телерадиокомпаниясенә.

  • 30 октябрьдән Казаннан Будапештка туры рейс ачылачак. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10