ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Җәмгыять

Татарстан Яшьләр парламентына сайлап алу өчен конкурска теркәлү башланды

25 июль 2019, 17:28

Беренче этап 15 августка кадәр дәвам итәчәк, сайлауларда катнашырга теләгән һәркем molparlament.tatar сайтында гариза бирә ала.

(Казан, 25 июль, “Татар-информ”). Бүгеннән башлап Татарстан Яшьләр парламентына сайлап алу өчен конкурска гаризалар кабул итү башланды. Бу хакта Яшьләр үзәгенең матбугат хезмәте хәбәр итә.

Сайлап алуда төрле категориядәге яшьләр катнаша ала. Яңа парламентның составы онлайн тавыш бирүне үз эченә алган ачык конкурс нигезендә төзеләчәк.

Беренче этап 15 августка кадәр дәвам итәчәк. Сайлауларда катнашырга теләгән һәркем molparlament.tatar сайтында гариза бирә ала. Шәхси гариза, катнашучы анкетасы һәм кандидатның инициативалары язылган программа һәм видеоинтервью булырга тиеш. Тавыш бирү Татарстанның Дәүләт хезмәтләре порталында 22 августтан 6 сентябрьгә кадәр дәвам итәчәк. 9-20 сентябрьдә нәтиҗәләр ясалачак.

Парламент өч категориядәге 100 катнашучыдан торачак. Татарстан районнарыннан 45, яшьләр оешмаларыннан 35 һәм үз-үзләрен тәкъдим иткән 20 кеше булачак.

Татарстан Яшьләр парламентының яңа бурычларына яшьләрнең хокукларына һәм законлы мәнфәгатьләренә кагылышлы Татарстан законнарына мониторинг үткәрү комитеты эшчәнлегендә катнашу, шулай ук республика район-шәһәрләренең җирле үзидарә органнары каршындагы яшьләр парламентлары белән элемтә урнаштыру буенча комитетлар эшендә катнашу керәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10