ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

Алинә Заһитова Япония Премьер-министрына уенчык эт бүләк итте

24 июль 2019, 10:47 , Фото: архив kremlin.ru

Алинә Заһитова Япония Премьер-министрына уенчык эт бүләк итте Синдзо Абэ сүзләренчә, Масару кушаматлы этне тарихи ватанында көтәләр.

(Казан, 24 июль, “Татар-информ”). Япония Премьер-министры Синдзо Абэ үз резиденциясендә Россиянең фигуралы шуу остасы Алинә Заһитованы кабул итте. Спортчы аңа акита-ану токымлы уенчык эт бүләк иткән. Бу хакта ТАСС хәбәр итә.

Очрашуда Абэ Заһитованы спортта ирешкән уңышлары белән котлады. Сөйләшүдә ул Масару кушаматлы этне дә искә алды. Ике ел элек Япониянең Акита префектурасы хакимияте һәм Синдзо Абэ Алинә Заһитовага акита-ану көчеге бүләк иткәннәр иде.

“Префектурада яшәүчеләр сезнең Масару белән аның тарихи ватанына килүегезне түземсезләнеп көтә”, - диде Премьер-министр.

Алинә Масаруның очышларны бик авыр кичерүен һәм аны багаж бүлегендә түгел, ә салонда алып килергә теләвен дә әйтте. Япония Хөкүмәте башлыгы хезмәттәшләре белән бу хакта сөйләшергә вәгъдә бирде.

Шуннан соң Алинә Заһитова Абэга йомшак уенчык бүләк итте. “Бу миңа Масару урынына”, - дип шаяртты Япония премьеры.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10