ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Җәмгыять

Теләче районы Тәмте авылында Изге Мария иконасы хөрмәтенә Казанский бәйрәме узды

23 июль 2019, 00:00

Теләче районы Тәмте авылында Изге Мария иконасы хөрмәтенә Казанский бәйрәме узды Казанский бәйрәмен ел да Татарстанның атказанган артисты, Галиәсгар Камал театры актёры Олег Фазылҗанов алып бара.

(Казан, 23 июль, "Татар-информ", "Туганайлар"). 21 июльдә Теләче районы Тәмте авылында Изге Мария иконасы хөрмәтенә Казанский бәйрәме узды. Тәмте бәйрәмен Теләчедә генә түгел, башка ерак районнарда да яхшы беләләр. Бу турыда "Туганайлар" басмасы хәбәр итә.

Җәйнең соңгы бәйрәме булгангамы бирегә халык күп килә. Кечкенә генә Тәмтедә шуның хәтле кеше җыелыр дип уйламыйсың да. Тәмте авылында һәр елны бәйрәм үзгәрә, канатларын җәя генә бара. Бу - 20 елдан артык оештыру эшләрен алып барган Николай Иванов һәм Максимовлар гаиләсе тырышлыгында ирешелгән нәтиҗә.

Казанский бәйрәмен ел да Татарстанның атказанган артисты, Галиәсгар Камал театры актёры Олег Фазылҗанов алып бара. Быел да бу эш Олег дәдәйгә йөкләнгән иде. Ул халыкка кызыклы уеннар уйнатты, көлде-шаярды.

Мәйданда халык өчен әзерләнгән уен программасы беткәч, һәрбер кеше үзенә нәрсә ошый дигәндәй төрле мәйданчыкларга таралды. Яшьләр, өлкәннәр концерт карарга омтылды, көрәш яратучылар мәйдан янында калды.

Казанский бәйрәмендә быел Татарстанның атказанган артисты Зоя Борисова, яшь җырчылар Ришат Фазлыйәхмәтов, Надежда Игнатьева, Татьяна Ефремова, Питрәч райны Керәшен Сәрдәсеннән "Сәяр", Кәвәлдән " Асыл тәңкә", Теләче районы Субаштан "Нардуган", Казаннан "Айбагыр", Балык Бистәсеннән "Нур" фольклор халык ансамбльләре катнашты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10