ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Мәдәният

Башкортстанда «Йөрәк сүзе» дип аталган телевизион поэтик бәйге узачак

22 июль 2019, 14:34

Бәйгене «Башкортстан» телерадиокомпаниясе дәүләт унитар предприятиесе, Бөтендөнья башкорт корылтае, Башкорт дәүләт опера һәм балет театры оештыра.

(Казан, 22 июль, «Татар-информ»). Башкортстанда «Йөрәк сүзе» дип аталган телевизион поэтик бәйге узачак. Быел ул республиканың халык шагыйре Мостай Кәримнең тууына 100 ел тулуга багышлана. Бу хакта «Башинформ» агентлыгы хәбәр итә.

Башкорт телендәге конкурста профессиональ актер яки режиссер белеме булган кешеләр катнаша ала. Бәйге программасына профессиональ актер һәм режиссерлар катнашындагы телепроектларның барлык чыгарылышлары да кертелә.

Конкурс нәтиҗәләре буенча «Сүз остасы» һәм «Тамашачылар мәхәббәте призы» номинацияләрендә җиңүчеләр билгеләнәчәк. Сайлап алу туры ярым финалга чыгучыларны сайлап алу буенча жюри әгъзалары һәм SMS-тавыш бирү ярдәмендә үткәрелә. Иң күп тавыш җыйган 18 кеше телепроектның йомгаклау кичәсендә катнашу хокукын ала. Ул шигъри бәйге форматында Башкорт дәүләт опера һәм балет театрында узачак.

Бәйгене «Башкортстан» телерадиокомпаниясе дәүләт унитар предприятиесе, Бөтендөнья башкорт корылтае (конгресс), Башкорт дәүләт опера һәм балет театры оештыра.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10