ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Җәмгыять

Түбән Кама шәһәре "Закон территориясе” республика конкурсында икенче урын яулады

22 июль 2019, 03:00 , Фото: tat.e-nkama.ru

Түбән Кама шәһәре Конкурсның максаты – җәмгыятьнең иминлеген һәм яшьләрне хокукый тәрбияләүне тәэмин итүгә өлеш керткән җитәкчеләрне бүләкләү.

(Казан, 22 июль, "Татар-информ"). Түбән Кама "Закон территориясе” республика конкурсында ике бүләккә ия булды. Җиңүчеләрне Татарстан Премьер-министры вазифаларын вакытлыча башкаручы Рөстәм Нигъмәтуллин, Татарстан буенча эчке эшләр министры Артем Хохорин һ. б. котлады. Бу турыда Түбән Кама муниципаль районы рәсми сайтында хәбәр ителә.

Айдар Метшин "Муниципаль район һәм шәһәр округы территориясендә хокук тәртибен тәэмин итүгә өлеш керткән өчен” номинациясендә икенче урынга лаек булды. Беренче урында - Яр Чаллы, өченчедә - Лениногорск.

“Хосукый сак оешмаларын җәлеп итеп, җәмәгать тәртибен саклауга өлеш керткән өчен” номинациясендә Түбән Каманың “Щит-НК” хосусый сак предприятиесе директоры Илгиз Сафин өченче урын яулады.

“Закон территориясе” республика конкурсы ТР Эчке эшләр министрлыгы тәкъдиме белән 2007 елдан уздырыла. Конкурсның максаты – җәмгыятьнең иминлеген һәм яшьләрне хокукый тәрбияләүне тәэмин итүгә өлеш керткән муниципаль берәмлек башлыкларын, предприятие, оешма, уку йортлары җитәкчеләрен һәм гражданнарны бүләкләү.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10