ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Ютазы районы Кәрәкәшле авылы инвалидларын хөрмәтләделәр

22 июль 2019, 00:00 , Фото: Ильмира Галиева

Ютазы районы Кәрәкәшле авылы инвалидларын хөрмәтләделәр Районнан килгән кунаклар аларга истәлекле бүләкләр тапшырды.

(Ютазы, 22 июль, "Татар-информ", "Ютазы таңы", Ильмира Галиева). Кичә район башкарма комитетының социаль мәсьәләләр буенча урынбасары Джанна Волкова, Бөтенроссия сукырлар җәмгыятенең Ютазы районы бүлеге җитәкчесе Гөлнара Әбилтарова Кәрәкәшле авылында гомер итүче сукырлар оешмасы әгъзалары янында булды. Бу турыда район басмасы яза.

Вәсилә Зыязетдин кызы Шәкүрова 22 ел сукырлар җәмгыяте әгъзасы булып тора. Сәламәтлеге нык булмаса да, ул тулы кыйммәтле тормыш белән яши, авыл инвалидларын кайгыртып, район оешмасы белән тыгыз элемтәдә тора. Аның авылдашы Рәис Шәйдулла улы Хәмидуллинның да күзләре начар күрә. Әмма аңа тормышны яратырга, хезмәт сөеп яшәргә сәламәтлегендә булган кимчелекләр киртә түгел.

Өлкән буын вәкилләре үзләренә булган игътибардан бик канәгать калды. Районнан килгән кунаклар аларга истәлекле бүләкләр тапшырды. Ә авыл мәдәният йорты хезмәткәрләре чәй табыны корган иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10