ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Җәмгыять

Түбән Камада булачак әниләр бишек җырлары өйрәнә

21 июль 2019, 20:00 , Фото: архив

Түбән Камада булачак әниләр бишек җырлары өйрәнә Йөкле хатын-кызлар өчен "Бишек җырлары" дигән дәрес үткәргәннәр.

(Казан, 21 июль, "Татар-информ"). Түбән Каманың "Веста" үзәге социаль эш буенча белгече Анастасия Ильина биредә социаль хезмәт алучы йөкле хатын-кызлар өчен "Бишек җырлары" дигән дәрес үткәргән. Бу турыда Түбән Кама муниципаль районы рәсми сайтында хәбәр ителә.

Дәрес барышында белгеч катнашучыларга бишек җырларының әһәмияте, әмма бүгенге көндә әкренләп онытыла баруы турында сөйләгән. Җырның яшь балага уңай тәэсире галимнәр тарафыннан да раланган. Бишек җырлары балада ышаныч, бәладән саклану хисе уята, наз, күңел күтәренкелеге, тынычлану китерә, борчуларны юкка чыгара.

Әмма замана әниләре бишек җырларын бик сирәк җырлый. Шуңа күрә белгеч дәрестә катнашучыларга бу мәсьәләгә игътибар итәргә, бишек җырларын ешрак тыңларга һәм сабыйлары белән аралашырга киңәш иткән.

Дәрес ахырында йөкле хатын-кызлар бишек җырлары тыңлаганнар һәм аларны өйрәнергә, сабыйларына җырларга кирәк дигән фикергә килгәннәр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10