ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Россиялеләр туризмның яңа төре белән мавыга

21 июль 2019, 14:30 , Фото: архив/Регина Гумарова

Россиялеләр туризмның яңа төре белән мавыга Bleisure-сәяхәт эш һәм шәхси тормыш арасында баланс табарга мөмкинлек бирә.

(Казан, 21 июль, «Татар-информ»). Россиядә туризмның яңа төре популярлаша бара – ул эшлекле сәфәр белән ялны үз эченә алган bleisure-сәяхәт. Бу хакта «Российская газета» «Аэроклуб» эшлекле туризм агентлыгы тикшеренүләренә сылтама белән яза.

Бу business (бизнес) һәм leisure (ял) сүзләрен берләштерә. Әйтик, хезмәт командировкасына киткән хезмәткәр үз инициативасы белән эш мәсьәләләре буенча килгән урында ял итәргә кала ала.

Экспертлар фикеренчә, формат хезмәт базарында миллениаллар -1981 елдан соң туган кешеләр буыны өстенлек итүе аркасында популярлаша. Миллениаллар шәхси тормышны һәм эшне берләштерүне, шулай ук яңа урыннарны өйрәнүне өстен күрә.

Россиядә эшләүче күп кенә чит ил компанияләре bleisure-сәяхәтләр форматын кертә, шул рәвешле хезмәткәрләрне бүләкли. Яңа төр туризм эш белән шәхси тормыш арасында баланс саклау мөмкинлеге бирә.

Бигрәк тә эшкәртү сәнәгате һәм энергетика хезмәткәрләре Россия буенча эшлекле сәфәрләрен озайта. Bleisure-сәяхәтләр шулай ук автомобиль тармагы хезмәткәрләре, фармацевтика фирмалары хезмәткәрләре һәм киң ассортименттагы товарлар сату белән шөгыльләнә торган компанияләр арасында да популяр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10