ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Җәмгыять

Галимнәр яман шеш китереп чыгара торган синдромны ачыклаган

20 июль 2019, 14:16

Такоцубо кардиомиопатиясен кичергән кешеләрдә еш кына онкология авырулары ачыклана.

(Казан, 20 июль, “Татар-информ”). Еш кына яман шеш авырулары килеп чыгуына “яраланган йөрәк” синдромы (башкача әйткәндә такоцубо кардиомиопатиясе) сәбәп була. Моны Америка кардиологлары ачыклаган. Бу хакта Journal of the American Heart Association сайтына сылтама белән “Российская газета” яза.

Кисәк кенә йөрәк эшчәнлеге бозылуга кайгылы (мәсәлән, якын кешене югалту) шулай ук шатлыклы (мәсәлән, туй) вакыйгалар белән бәйле эмоциональ яки физик стресс сәбәп була. Тышкы билгеләре буенча, “яраланган йөрәк” синдромы йөрәк өянәген хәтерләтә: күкрәк өлешендә авырту барлыкка килә, йөрәк тибеше арта, тын кысыла.

Экспериментта катнашкан 1600 кешенең мәгълүматларын өйрәнгәч, табиблар такоцубо кардиомиопатиясен кичергән һәр алтынчы кешедә күпмедер вакыттан соң яман шеш барлыкка килүен ачыклаган. Әмма бу ике авыру арасындагы бәйләнеш әлегә тулысынча ачыкланып бетмәгән.

“Хафаланырга кирәкми, әгәр көчле тетрәнү кичергәнсез икән, бары тик организмыгызны тикшертегез”, - дип киңәш итә табиблар.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10