ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Хәвеф-хәтәр

Татарстан прокуратурасы җинаятьләр саны арткан районнарны атады

19 июль 2019, 19:16

Агымдагы елның алты ае нәтиҗәләре буенча Татарстанда теркәлгән җинаятьләр саны 17,4 процентка арткан.

(Казан, 19 июль, «Татар-информ»). Татарстан прокуратурасы җинаятьләр саны арта торган республика районнарын атады. Бу хакта бүген Татарстан прокуроры Илдус Нәфыйков рәислегендә узган күзәтчелек ведомствосының беренче яртыеллыгындагы эш нәтиҗәләренә багышланган коллегия утырышында сөйләделәр.

«35 муниципаль берәмлектә, шул исәптән Чаллыда, Казанның Авиатөзелеш районында, Азнакай, Арча, Яшел Үзән, Мөслим, Сарман һәм Чирмешән районнарында тискәре тенденцияләр күзәтелә», – диделәр коллегиядә катнашучылар.

Тулаем алганда, агымдагы елның алты ае нәтиҗәләре буенча Татарстанда теркәлгән җинаятьләр саны, узган елның шул ук чоры белән чагыштырганда, 17,4 процентка арткан.

Коллегия утырышы нәтиҗәләре буенча республика территориясендә законлылыкны һәм хокук тәртибен тәэмин итү өчен прокуратураның күзәтчелек эшчәнлеге нәтиҗәлелеген арттыруга юнәлдерелгән гамәли чаралар комплексын күздә тоткан карар кабул ителде.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10