ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Хәвеф-хәтәр

Актаныш районында җиде яшьлек малай ярдан егылып төшкән һәм суда батып үлгән

19 июль 2019, 16:51 , Фото: ГУ МЧС России по РТ

Актаныш районында җиде яшьлек малай ярдан егылып төшкән һәм суда батып үлгән Фаҗига бүген көндез Татар Суыксу авылы янындагы сулыкта булган.

(Казан, 19 июль, «Татар-информ»). Актаныш районында җиде яшьлек малай ярдан егылып төшкән һәм суда батып үлгән. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Бүген 13.30 сәгатьтә Татар Суыксу янындагы сулыкта бала батып үлүе турында хәбәр килгән. Актаныш эзләү-коткару төркеме малайның яр кырыенда балалар белән уйнавын һәм егылып суга төшеп китүен ачыклаган. Балага ярдәм итәргә янәшәдә беркем дә булмаган», - дип сөйләделәр министрлыкта.

Баланың үле гәүдәсен авыл кешеләре чыгарган, табиблар баланың үлемен раслаган.

Министрлыкта бу сулыкның гражданнарның массакүләм ял итү урыны булмавын һәм анда коену тыелуын искәрткән.

Татарстан Гражданнар оборонасы эшләре һәм гадәттән тыш хәлләр министрлыгы су янында, бигрәк тә биек яр буенда, шулай ук балаларның өлкәннәр булмаган һәм җиһазланмаган урыннарда коенуы аяныч тәмамланачагын кисәтә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10