ҺАВА ТОРЫШЫ +26 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда яшәүче бер ирне 700 мең сум алимент бурычлары өчен хөкем итәчәкләр

18 июль 2019, 16:11

Азнакай районында яшәүче 37 яшьлек ир-ат 15 яшьлек улы өчен бер елга якын алимент түләмәгән.

(Казан, 18 июль, “Татар-информ”). Татарстанда 37 яшьлек ир-атны 700 мең сумлык алимент бурычлары өчен хөкем итәчәкләр. Бу хакта “Татар-информ”га Татарстан прокурорының өлкән ярдәмчесе Руслан Галиев әйтте.

“Тикшерү версиясе буенча, Азнакай районында яшәүче 37 яшьлек ир-ат 2018 елның 27 ноябреннән 2019 елның 18 июненә кадәр 15 яшьлек улы өчен алимент түләмәгән. Элегрәк суд приставлары ир-атны шушындый ук хокук бозу өчен административ җаваплылыкка тарткан булган”, - диде Руслан Галиев.

Шушы вакыт эчендә ир-атның 690 мең сум бурычы җыелган.

“Бала тәрбияләү өчен акча түләмәү” маддәсе буенча ачылган җинаять эше карау өчен судка җибәрелгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10