ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Авыл

Әлки районында шепкән культурасын суктыруга керештеләр

18 июль 2019, 16:00

Уңыш гектарыннан 9-10 центнер чыга.

(Казан, 18 июль, Казан, Айгөл Шәйхлисламова). Әлки районы авыл хуҗалыгы һәм азык-төлек идарәсе рәисе Роберт Гадиев районда шепкән (рыжик) культурасын суктыра башлауларын әйтте. Бу хакта ул “Татар-информ” хәбәрчесенә сөйләде.

  • Шепкән (рыжик) - әвернә чәчәклеләр гаиләсенә керә торган берьеллык үлән. Бал җыю максатыннан һәм орлыкларыннан май җыю өчен игелә.

“Яңгырларга кадәр шепкән культурасына керешкән идек, аннары бер атна бертуктаусыз яңгырлар яуды. Барлыгы 1062 гектар иде, шуның 600 гектарга якынын алдык. Калганын бүген-иртәгә алабыз”, - диде ул.

Роберт Гадиев әйтүенчә, җыеп алынган шепкән уңышы сатылачак. “Рыжикны суктырып алгач, чистартабыз, комбикорма заводында чистарткычлар аша чыгарып сакларга куябыз. Шепкән бер гектардан 9-10 центнер белән бара, бу ярыйсы уңыш”, - диде ул.

“Бүгенге көндә калган бөртекле культураларга керешү өчен җирдә 30-33 процент дымлылык булуы тоткарлый, 20 процентка кадәр кипкәнен көтәбез. Дымлылык кимесә, бер биш көннән башлыйбыз. Әле яңгыр көн дә ява бит. Кояшлы һава торышы булса, 5-6 көннән тиешле дымлылыкка җитәргә тиеш дип уйлыйм”, - диде Роберт Гадиев.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10