ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Җәмгыять

«Ярдәм» фондының тернәкләндерү үзәге директоры «Ладошки ордены»на лаек булды

18 июль 2019, 13:43

Әлеге бүләккә лаек булучылар арасында шулай ук Борис Грачевский, Зураб Церетели, Людмила Петерсон, Евгений Ямбург һ.б. бар.

(Казан, 18 июль, «Татар-информ»). Казанның «Ярдәм» хәйрия фонды каршындагы укыту-тернәкләндерү үзәге директоры Мәликә Гыйльметдинова балалар тарафыннан танылу билгесе - «Ладошки ордены»на лаек булды. Бу хакта РФ мөселманнары Диния нәзарәтенең матбугат хезмәте хәбәр итә.

«Ладошки ордены» - Россиянең уникаль проекты. Анда балалар өчен күп эшләр башкарган өлкәннәрнең кандидатуралары өчен үз тавышларын биреп, мәктәп укучылары тиешле карар кабул итә», - диелә матбугат хезмәте хәбәрендә.

Тавыш бирүдә Саратов өлкәсеннән 7,5 мең мәктәп укучысы катнашты. Мәликә Гыйльметдиновадан тыш, «Ералаш» балалар киножурналының сәнгать җитәкчесе Борис Грачевский, скульптор Зураб Церетели, педагог-методист Людмила Петерсон, җәмәгать эшлеклесе һәм педагог Евгений Ямбург, дирижер Мария Струве һәм башлангыч сыйныфлар укытучысы Михаил Рабулец та әлеге бүләккә лаек булды.

Хәзер оештыручылар билгене тапшыру өчен Саратовка кунаклар чакыра башлады.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10