ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Яхшы хезмәт хакы түләнә торган эшкә урнашу өчен югары белем мәҗбүри түгел

18 июль 2019, 10:45

Күпчелек респондентлар уңышлы карьера булдыру өчен югары белем кирәклегенә шикләнә.

(Казан, 18 июль, «Татар-информ»). Россиялеләрнең күпчелеге (70 процент) инануынча, яхшы хезмәт хакы түләнә торган эшкә урнашу өчен югары белем мәҗбүри түгел. Бөтенроссия җәмәгатьчелек фикерен өйрәнү үзәге тарафыннан үткәрелгән сораштыру нәтиҗәләре шуны күрсәтә. Бу хакта ТАСС агентлыгы хәбәр итә.

Моннан тыш, респондентларның 68 проценты уңышлы карьера булдыру өчен югары белем кирәклегенә шикләнә. 65 проценты исә дипломның булмавы аз хезмәт хакы түләнә һәм дәрәҗәсе түбән булган эшкә урнашу өчен сәбәп түгел, ди.

Россиялеләр югары белем алу елдан-ел кыенлаша дип саный. Респондентларның 63 проценты — шундый фикердә. Шул ук вакытта, сораштырылучыларның 18 проценты диплом алырга кирәк, чөнки шулай кабул ителгән, ә 58 проценты югары белем уңышлы карьера булдыру һәм алга куйган максатларга ирешү өчен яхшы мөмкинлек дип исәпли.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10