ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Фән һәм мәгариф

Сабада аз керемле гаиләләр өчен хәйрия акциясе үткәрелгән

18 июль 2019, 07:00 , Фото: Фәридә Вилданова

Сабада аз керемле гаиләләр өчен хәйрия акциясе үткәрелгән Рәис Миңнеханов I-VI сыйныфларда укучыларга уку әсбаплары тутырылган мәктәп сумкалары бүләк итте

(Саба, 18 июль, "Татар-информ", "Саба таңнары", Фәридә Вилданова). Узган шимбәдә Саба аграр көллиятенең актлар залына 1 сыйныфка баручылар, сәламәтлекләре чикле, аз керемле һәм күп балалы гаиләләрдә тәрбияләнүче II-XI сыйныф укучылары, аларның әти-әниләре "Мәктәпкә җыенырга булыш" хәйрия акциясенә җыелды. Бу турыда җирле басма хәбәр итә.

Чарада катнашкан район башлыгы Рәис Миңнеханов та иң элек әлеге изге эшкә кушылган оешма-предприятие җитәкчеләренә рәхмәт сүзләре җиткерде.

"Әлеге игелеклелек чарасы районыбызда 13 тапкыр уза. Мохтаҗ булган балаларыбызга ярдәм итү – киләчәгебезне ныгыту дигән сүз. Балаларны яхшы биналарда укыту, көндәлек тормышларында уңайлылыклар булдыру – аларның алдагы киләчәге өчен бик мөһим. Бу акция игелекне генә түгел, бердәмлекне дә күрсәтә. Табышларын мохтаҗлар белән бүлешкән хәйриячеләргә зур рәхмәт", – диде Рәис Миңнеханов.

Хәйриячеләр ярдәме белән барлыгы 98 бала шатлыклы мизгелләр кичерде. Рәис Миңнеханов I-VI сыйныфларда укучыларга уку әсбаплары тутырылган мәктәп сумкалары бүләк итте, VII-XI сыйныфларга оешма-предприятие җитәкчеләре мәктәп кирәк-яракларына акчалата бүләк тапшырды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10