ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Татарстанда яман шештән үлү очракларын 6 процентка киметү планлаштырыла

18 июль 2019, 08:00

Татарстанда яман шештән үлү очракларын 6 процентка киметү планлаштырыла 2024 елга Татарстан халкы республиканың барлык хастаханәләрендәге табибларга онлайн языла алачак.

(Казан, 18 июль, “Татар-информ”). 2024 елга Татарстанда яман шеш авырулары нәтиҗәсендә күзәтелгән үлем очракларын 100 мең кешегә 185 очрактан артмаслык дәрәҗәгә җиткерү планлаштырыла. Бу “Сәламәтлек саклау” илкүләм проекты кысаларында “Яман шеш авырулары белән көрәш” төбәк проектында каралган.

Быел бу күрсәткеч – 100 мең кешегә 196 очракны тәшкил итә.

Шулай ук биш елдан соң Сәламәтлек саклау өлкәсендә бердәм дәүләт мәгълүмат системасында (ЕГИСЗ) пациентның “Минем сәламәтлек” дип аталган шәхси кабинеты булдырылачак. Аның ярдәмендә рсепубликаның барлык хастаханәләренә кабул итүгә язылып булачак. Моннан тыш, авырулар үзләренең электрон карталарында табиб күрсәтмәсен карый алачак.

Узган елда Татарстандагы медицина оешмаларының 83 проценты ЕГИСЗ сервисын кулланган. Ә быел бу сан 85 процент булган. 2024 елга Татарстанның барлык хастаханәләре дә бу системаны кулланыр дип паланлаштырыла.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10