ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Җәмгыять

Түбән Камада яшьләр өчен турслёт оештырыла

17 июль 2019, 22:00

Анда Татарстан предприятиеләре, оешмаларының 18 яшьтән 35 яшькә кадәрге белгечләре, хезмәткәрләре һәм студентлар катнаша ала.

(Казан, 17 июль, "Татар-информ"). Эшләүче яшьләр өчен Түбән Камада "Квест һәм Урман" турслеты узачак. Бу турыда Түбән Кама муниципаль районы рәсми сайтында хәбәр ителә.

Слет Кама Аланының Вязовка елгасы буенда 3, 4 август көннәрендә үтә. Анда Татарстан предприятиеләре, оешмаларының 18 яшьтән 35 яшькә кадәрге белгечләре, хезмәткәрләре һәм студентлар катнаша ала.

Катнашучылар палаткаларда яшәячәк. Алар өчен спортның төрле юнәлешләре, көндәлек тормышта башкарылучы эшләр буенча ярышлар һ.б. оештырыла. Әлбәттә, чараның иң матур мизгелләреннән берсе - төнге учак янында җырлы-биюле уеннар. Катнашу бушлай.

Гаризалар 26 июльгә кадәр "Заявка на турслет" тамгасы белән kover-nk@mail.ru электрон почтасы яисә 41-69-23 номеры аша кабул ителә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10