ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Җәмгыять

Татарстанда 100 спорт мәйданчыгы төзеләчәк

16 июль 2019, 17:28 , Фото: Салават Камалетдинов/архив, Султан Исхаков

Татарстанда 100 спорт мәйданчыгы төзеләчәк Республикада спорт мәйданчыклары төзү программасы башланганнан бирле, 900 объект төзелгән.

(Казан, 16 июль, “Татар-информ”, Динара Прокопьева). Ел азагына кадәр Татарстанда 105 спорт мәйданчыгы, сигез модульле чаңгы базасы барлыкка киләчәк. Бу хакта “Татар-информ”да узган матбугат конференциясендә республиканың төзелеш, архитектура һәм торак-коммуналь хуҗалык министры урынбасары Илшат Гыймаев сөйләде.

“2019 елда җиһазландырылган 105 спорт мәйданчыгы һәм сигез модульле чаңгы базасы төзү планлаштырыла. Аларның гомуми бәясе – 427 млн сум”, - диде Илшат Гыймаев.

2013 елдан башлап республикада 890 универсаль спорт мәйданчыгы һәм 27 модульле чаңгы базасы төзелгән. Бу максатларда барлыгы 2,3 млрд сумнан артык акча тотылган.

Соңгы ике елда Татарстан муниципалитетларында биш ябык спорт залы һәм сигез ябык йөзү бассейны төзелгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10