ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Фән һәм мәгариф

2021 елда Нефтекамскида татар полилингвистик интернат-мәктәбе ачылачак

16 июль 2019, 14:11

Интернат-мәктәпнең уку корпусы – 300, ашханәсе 100 урынга исәпләнәчәк.

(Казан, 16 июль, «Татар-информ»). 2013 елның октябрендә үк ябылган Башкортстанның Нефтекамск шәһәре интернат-мәктәбе урынында татар полилингвистик интернат-мәктәбе ачылачак. Башкортстан Башлыгы вазифаларын вакытлыча башкаручы Радий Хәбиров уку йорты биналарын реконструкцияләү планы белән танышканнан соң шулай дип белдерде. Бу хакта «Башинформ» агентлыгы хәбәр итә.

Интернат-мәктәпнең уку корпусы – 300, ашханәсе 100 урынга исәпләнәчәк. Әлеге учреждение тулы көн мәктәбе булыр дип көтелә. Биредә балалар уку белән бергә, ял итә, түгәрәкләрдә һәм спорт секцияләрендә шөгыльләнә алачак.

  • Интернат-мәктәпнең уку корпусы – 1960, йокы корпусы 1964 елда файдалануга тапшырылган. Учреждениедә Башкортстанның төньяк-көнбатыш төбәгендәге аз керемле һәм имин булмаган гаиләләрнең балалары (I-VIII сыйныфлар) белем алган.
  • 2010 елда, ашханә бинасы авария хәлендә дип табылуга бәйле рәвештә, тулаем комплексны реконструкцияләү буенча проект эшләре алып барыла. Әмма эшләр тукталып кала һәм 2013 елда интернат-мәктәп ябыла.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10