ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Икътисад

Россиядә шикәр бәясе төште

16 июль 2019, 13:05

Россия шикәр җитештерүчеләр берлегенең идарә рәисе Андрей Бодин моны җәйге ай өчен типик булмаган күренеш дип атады.

(Казан, 16 июль, «Татар-информ»). 2019 елның июнендә шикәрне күпләп сату бәясе, 2018 елның ноябре белән чагыштырганда, 27,5 процентка кимеде. Хәзер аның 1 килограммы 37 сум түгел, ә 26,9 сум тора. Бу хакта «Известия» газетасы яза.

Россия шикәр җитештерүчеләр берлегенең идарә рәисе Андрей Бодин моны җәйге ай өчен типик булмаган күренеш дип атады – июльдә сезон төгәлләнә, әлеге товарга сорау арта, җитештерүчеләр исә саклауга тотылган чыгымнарны компенсацияләү өчен күпләп сату бәяләрен күтәрә. Шикәр җитештерүчеләр берлегендә илдә әлеге продуктның рекордлы запасын уңышның яхшы булуы һәм яңасыннан да әйбәт уңыш көтелүе белән аңлаттылар.

Шикәрне ваклап сату бәясе дә кими. Ул ел башыннан алып 3,79 сумга – 43,19 сумга кадәр арзанайган. Шул ук вакытта, бер ел эчендә 1 килограмм шикәр 4,6 процентка кыйммәтләнгән – 2018 елның июнендә аның бәясе 41,29 сумга җиткән.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10