ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Фән һәм мәгариф

Мәгариф һәм фән министры кытай теленнән имтихан тапшыручылар артачак дип саный

16 июль 2019, 12:20 , Фото: архив/Салават Камалетдинов

Мәгариф һәм фән министры кытай теленнән имтихан тапшыручылар артачак дип саный Быел Татарстанда кытай теленнән имтиханны дүрт кеше тапшырган.

(Казан, 16 июль, “Татар-информ”, Гөлнар Гарифуллина). Татарстан вице-премьеры – мәгариф һәм фән министры Рафис Борһанов, киләчәктә кытай теленнән Бердәм дәүләт имтиханын тапшыручылар саны артачак дип саный. Бу хакта ул журналистларга ТР Министрлар Кабинетында узган брифингта әйтте.

“Быел кытай теленнән беренче тапкыр имтихан тапшырдылар. Башта өч кеше теләк белдергән иде, чынлыкта дүрт кеше тапшырды”, - диде министр.

Аның фикеренчә, кытай телен сайлаучылар алдагы елларда күбрәк булачак. “Бүген планетада һәр дүртенче кеше кытай. Шуңа күрә без алга таба кытай телен тапшыручыларның артуын күрәчәкбез. Бу нормаль күренеш, икътисад шуңа этәрә. Кытай белән мөнәсәбәтләребез яхшы гына үсеш ала. Бу уникаль процесс түгел, шуны көткән идек тә”, - диде Борһанов.

  • Татарстанда кытай теленнән имтихан нәтиҗәләре Россиядәге уртача күрсәткечтән 5,75 баллга түбәнрәк. Россия буенча барлыгы 65 кеше имтихан тапшырган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10