ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Хәвеф-хәтәр

Кама Тамагы районында адашкан инвалид пенсионерны чокырдан тапканнар

15 июль 2019, 20:41 , Фото: ГУ МЧС России по РТ

Кама Тамагы районында адашкан инвалид пенсионерны чокырдан тапканнар 81 яшьлек ир-атны авылдан ике чакрым ераклыктан тапканнар.

(Казан, 15 июль, “Татар-информ”). Кама Тамагы районында кичә өеннән чыгып киткән 81 яшьлек инвалидны чокырдан тапканнар. Бу хакта “Татар-информ”га Татарстан Гадәттән тыш хәлләр министрлыгының матбугат хезмәтендә хәбәр иттеләр.

“Бүген 9:00 сәгатьтә ашыгыч хезмәтләр чакыру өчен 112 бердәм номерына Сөйки авылында яшәүче 81 яшьлек инвалид ирнең өеннән чыгып китүе һәм кайтмавы турында хәбәр иттеләр”, - диделәр матбугат хезмәтендә.

Гадәттән тыш хәл булган урынга килгән №116 эзләү-коткару бүлеге хезмәткәрләре, №1 эзләү-коткару отряды коткаручылары һәм волонтерлар тирә-яктагы авылларны,20 квадрат чакрым мәйданда урманны, якын-тирәдәге чокырларны йөреп чыккан.

16:45 сәгатьтә адашкан пенсионерны авылдан ике чакрым читтәге чокырда табалар. Соңрак өлкән яшьтәге ирне тикшерү өчен Кама Тамагы район үзәк хастаханәсенә алып китәләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10