ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Татар дөньясы

Омск шәһәре Сабан туенда биш меңләп кеше катнашкан

15 июль 2019, 19:23

Быел Омскида Сабан туе 13 мәртәбә уздырылган.

(Казан, 15 июль, “Татар-информ”). Омск шәһәре администрациясе һәм төбәк хөкүмәте ярдәме белән өлкәнең “Мәдәният” татар милли-мәдәни автономиясе Омскида 13 ел рәттән Сабан туе уздыра. Быел анда биш меңләп кеше катнашкан. Бу хакта Бөтендөнья татар конгрессы сайты хәбәр итә.

Ачылыш алдыннан уен мәйданчыклары эшләгән, милли уеннар һәм спорт ярышлары уздырылган. Көрәш ярышында Тимерҗан Кәлимуллинның шәкерте Антон Ботаев җиңгән. Аңа “Батыр-2019” исеме бирелгән. Җиңүчегә шулай ук Тимерҗан Кәлимуллин кубогы һәм тәкә тапшырылган.

Омск өлкәсе мөселманнары җыены башлыгы Дәүләт Балтабев кунакларны бәйрәм белән котлады, бәхет, тынычлык һәм мәхәббәт теләде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10