ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Җәмгыять

Азнакай районы фольклорын өйрәнүче галимнәр Сәпәй авылында булды

15 июль 2019, 00:00 , Фото: aznakaevo-rt.ru/

Азнакай районы фольклорын өйрәнүче галимнәр Сәпәй авылында булды Кунаклар авыл китапханәсенә үзләренең бүләкләрен тапшырды.

(Азнакай, 15 июль, "Татар-информ", "Маяк", Сирена Мозаффаров). ​​​​​​​Бу көннәрдә Казан галимнәре Азнакай районы авылларында тарихны өйрәнү буенча эш алып барды. Алар Сәпәй авылында да булып киттеләр. Бу турыда район басмасы хәбәр итә

Кунакларны мәдәният йортында авыл активы бик җылы каршы алды. Очрашуга әби-апаларны, абыйларны да чакырылды. Казаннан кайткан һәр кунак үзенең юнәлешләре буенча олы яшьтәге кешеләр белән сөйләште.

Римма апа Мустафина белән Галия апа Хәева бәетләр сөйләделәр, җырлап күрсәттеләр. Шулай ук Римма апа әниләреннән калган кулъязма китапларны да кунакларыбызга бүләк итте.

Җәмилә апа Шакирова бик күп тарихи вакыйгалар сөйләде.

Мирфаяз абый үзенең шаҗәрәләре белән кунакларыбызны шаккаттырды. Шулай ук ул галимнәребезгә авылыбыз зиратларындагы күптәнге кабер ташларын күрсәтте.

Кунаклар очрашудан кәнагәть булып, авыл китапханәсенә үзләренең бүләкләрен тапшырып, сәфәрләрен дәвам иттеләр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10