ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Мәдәният

“Алабугада җәйге кичләр” тантанасы ачылды

14 июль 2019, 22:00 , Фото: alabuganury.ru/

“Алабугада җәйге кичләр” тантанасы ачылды Бу көннәрдә Алабугада төрле жанрдагы музыкаль әсәрләр яңгыраячак.

(Алабуга, 14 июль, "Татар-информ", "Алабуга нуры", Гульнур Якупова).  10 июльдә Борис Березовскийның “Алабугада җәйге кичләр” II Халыкара фестивале ачылды. Бу көннәрдә Алабугада төрле жанрдагы музыкаль әсәрләр яңгыраячак. Бу турыда җирле басма хәбәр итә.

Әлеге фестиваль Россиянең атказанган артисты һәм дөньякүләм танылган пианист Борис Березовский башлангычы һәм Татарстан Республикасы Президенты Рөстәм Миңнеханов ярдәме белән үткәрелә. Чараны оештыручылар – ТР Мәдәният министрлыгы, Алабуга муниципаль районы администрациясе һәм Алабуга дәүләт музей-ядкарьлеге.

Фестивальнең рәсми өлешен ТР мәдәният министры Ирада Әюпова, Алабуга районы башлыгы Геннадий Емельянов, бөтен дөньяга танылган пианист Борис Березовский ачып җибәрде. Фестивальдә катнашучылар һәм кунаклар адресына РФ мәдәният министры Владимир Мединский исеменнән котлау телеграммасы укылды.

Бу көннәрдә Алабугада төрле жанрдагы музыкаль әсәрләр яңгыраячак, үткән елны фестиваль дүрт көн булса, быел ул биш көн дәвам итәчәк. Шул ук вакытта кичәләрнең һәркайсы аерым темага багышланган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10