ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Мәдәният

Лаешта Татарстан язучыларына һәм юристларына Державин премиясен тапшырдылар

14 июль 2019, 17:50

Бүләкләү тантанасы Державинның тууына 276 ел тулуга багышланган шигърият фестивале кысаларында булды.

(Лаеш, 14 июль, “Татар-информ”, Әдилә Зыятдинова). Лаешта Татарстан язучыларына һәм юристларына Гавриил Державин исемендәге дәүләт премиясен тапшырдылар. Тантана бөек шагыйрьнең 276 еллыгына багышланган Бөтенроссия шигърият фестивале кысаларында узды.

Язучылар арасында премия Мөдәррис Вәлиевкә тапшырылды. Ул әлеге бүләккә “Безнең тамырларыбыз бер” Россия халыклары мифлары һәм легендаларын һәм Чыңгыз Айтматовның “Чыңгызханның ак болыты” повестен татарчага тәрҗемә иткән өчен лаек булды.

Шулай ук Гавриил Державин исемендәге район шигърият бәйгесендә җиңгән тугыз бала да бүләкләнде.

Юристлар арасында премиягә Россия Прокурор университетының Казан юридик институтының (филиал) оператив-эзләү эшчәнлеген һәм җинаять судында прокурор катнашуында закон үтәлешен прокурор күзәтүе кафедрасы мөдире, Татарстан Конституцион судының экс-судьясы, Татарстан Фәннәр академиясенең әгъза-мөхбире, юридик фәннәр докторы Флүр Баһаветдинов һәм Татарстан буенча Россия Юстиция министрлыгы Идарәсе җитәкчесе, Татарстан Конституцион судының элекке рәисе, юридик фәннәр докторы Виктор Демидов лаек булды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10