ҺАВА ТОРЫШЫ +26 oC

Яңалыклар

барлык хәбәрләр Татарстан Россия

Икътисад

Чирмешән районында үзмәшгульлек системасында 130 кеше теркәлгән

13 июль 2019, 06:00 , Фото: Марат Гомәров

Чирмешән районында үзмәшгульлек системасында 130 кеше теркәлгән Аеруча үткән айда теркәлүчеләр күп булды.

(Чирмешән, 13 июль, “Татар-информ“, “Безнең Чирмешән“, Марат Гомәров). Чирмешән районында “Һөнәри керемгә салым” дигән үзмәшгульлек системасында 130 кеше теркәлде. Бу турыда җирле басма хәбәр итә.

Бу өлкәдә бигрәк тә чәчтараш, тырнак сервисы белгечләре, йөк ташучылар, камыр ризыклары пешерүчеләр, кием-салым тегүчеләр, арендага торак бирүчеләр, бухгалтер хезмәте күрсәтүчеләр күбрәк. Аеруча үткән айда теркәлүчеләр күп булды.

-Әлеге режим безнең республикада, шулай ук Мәскәүдә, Мәскәү һәм Калуга өлкәләрендә бу ел башыннан сынау рәвешендә – пилот проекты буларак эшли башлады, – ди Татарстан Республикасында эшкуарлыкны яклау буенча үзәкнең үзмәшгульлек мәсьәләләре буенча райондагы төбәк вәкиле Ленар Камалов.

- Хәзер үзләренә эшләүче һәм акчаны клиентлардан турыдын-туры алучы кешеләр үзмәшгуль сыйфатында теркәлә һәм үз бизнесларын ачык итә ала. Бу ысул аларга исәп-хисап счеты ачмыйча юридик затлар белән эшләргә, реклама бирергә, дәүләт сатып алуларында катнашырга мөмкинлек бирә.

Кайбер шәхси эшмәкәрләр статусын саклап үзмәшгуль була ала. Үзмәшгуль кешеләргә касса аппараты кую кирәкми, алар төрле хисаплардан азат ителәләр. Пенсия, социаль иминиятләү фондларына мәҗбүри кертемнәр түләү соралмый.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10