ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Мәдәният

Азнакайда "Чатыр Тауда җыен” фестивалендә илле иҗат коллективы чыгыш ясады

12 июль 2019, 22:00 , Фото: aznakaevo-rt.ru

Азнакайда Халыкара фольклор фестиваленә Татарстан, Башкортсан республикалары, Оренбург өлкәсенең төрле районнарыннан килгәннәр иде.

(Азнакай, 12 июль, “Татар-информ”, “Маяк”, Резеда Шәрипова). Азнакайда "Чатыр Тауда җыен” Халыкара фестивале узды. Халыкара фольклор фестивалендә Татарстан, Башкортсан республикалары, Оренбург өлкәсенең төрле районнарыннан 50 дән артык иҗат коллективы чыгыш ясады. Бу турыда район басмасы хәбәр итә.

Азнакай муниципаль районы башлыгы Марсель Шәйдуллин ерак араларны якын итеп килгән барча кунакларга зур рәхмәтен белдерде, күркәм гореф-гадәтләребезне, телебезне саклап, туган җиребез белән горурланып, дус булып яшәргә өндәде.

Җыенның дәрәҗәле кунаклары – Татарстан мәдәният министры урынбасары Ленар Хәкимҗанов, ТР Дәүләт Советы депутаты Таһир Һадиев, ТР ветераннары төбәк иҗтимагый оешмасы рәисе Хәбир Иштирәков та кайнар котлауларын һәм теләкләрен җиткерделәр.

– Төрки халыкларның дуслыгын, тарихын чагылдыра торган бик күркәм бәйрәм. Азнакай районы хакимияте мәдәният өлкәсенә зур игътибар бирә. Аны бүгенге чараның оештырылуыннан да күрергә була. Киләчәктә дә Чатыр Тау битләрендә күрешергә язсын, – диде Ленар Хәкимҗанов.
 

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10