ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов: Нефть икътисадның стратегик ресурсы булып кала

12 июль 2019, 11:41 , Фото: tatarstan.ru

Рөстәм Миңнеханов: Нефть икътисадның стратегик ресурсы булып кала ТР Президенты Татарстан Республикасы Нефть саммитының панель дискуссиясендә чыгыш ясады.

(Казан, 12 июль, «Татар-информ»). Альтернатив энергетика үсеш кичерүгә дә карамастан, нефть икътисадның стратегик ресурсы булып кала. Татарстан Президенты Рөстәм Миңнеханов Әлмәттә ачылган Нефть саммитында шул хакта хәбәр итте.

«Әлегә нефть һәм газ эрасы тәмамлануы турында әйтергә иртәрәк – углеводородлар илебезнең стратегик ресурсы булып калачак. Нефть-газ химиясе кебек зур сегментта углеводородларга гомумән альтернатива юк. Альтернатив генерациянең кыйммәте кимүгә дә карамастан, электр энергиясен туплау технологияләренең булмавы дөнья энергия балансында альтернатив энергетиканың чагыштырмача зур булмаган өлеше саклануына китерә», - диде Миңнеханов.

Нефтяной Саммит Республики Татарстан 2019 года.

Шуның белән бергә, ТР Президенты Россиядә запаслар структурасының елдан-ел начараюын билгеләп үтте.

Татарстан Президенты үз чыгышында шулай ук «Татнефть» компаниясенең уңай тәҗрибәсен искә алды. Ул инновацияләр эзләү ярдәмендә көндәшлеккә сәләтлелеген саклый, шулай ук эшнең нәтиҗәлелеген арттыра.

Нефтяной Саммит Республики Татарстан 2019 года.

Бүген Әлмәттә Татарстан Республикасы Нефть саммиты ачылды. Аның эшендә ТР Президенты Рөстәм Миңнеханов, Россия энергетика министры урынбасары Павел Сорокин, Табигатьтән файдалану өлкәсендә күзәтчелек федераль хезмәте җитәкчесе Светлана Радионова, файдалы казылма запаслары буенча Дәүләт комиссиясе генераль директоры Игорь Шпуров, «Татнефть» компаниясе генераль директоры Наил Маганов, нефть һәм газ тармагындагы башка экспертлар катнаша.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10