ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Татар дөньясы

Киров «Сабантуй» фестиваленә әзерләнә

12 июль 2019, 09:12 , Фото: архив/Владимир Васильев

Киров «Сабантуй» фестиваленә әзерләнә Чара Кировның 645 еллыгына багышлана.

(Казан. 12 июль, "Татар-информ"). 14 июльдә Кировта «Вятка сабантуе» дип аталган фестиваль үтәчәк. Ул «Диорама» музей-күргәзмә үзәгендә сәгать 12дә башланачак, дип яза Бөтендөнья татар конгрессының матбугат хезмәте.

Чара Кировның 645 еллыгына багышлана. Өлкә музее фестивальгә үз тирмәсен куя, анда нократ татарлары тормышына багышланган экспозицияне күреп булачак. Мөселманча яулык бәйләү буенча остаханә оештырыла. Остабикә ролендә - шәһәрнең “Ак калфак” җитәкчесе Наилә ханым Мосунова.

"Төрле спорт уеннары, шул исәптән сабантуйларның бизәге булган капчык киеп йөгерү, су ташу, чүлмәк вату, кул көрәше булачак, – диде бәйрәмне оештыручы “Яшьлек” оешмасы җитәкчесе Наҗия ханым Федяева. – Татарстаннан Россиянең атказанган, Татарстан Республикасының халык артисты Мирсәет Сөнгатуллин, Рихард Вагнер исемендәге халыкара премия лауреаты Муса Маликов киләләр. Алар халкыбызның яраткан җырларын бүләк итәчәк." 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10