ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Авыл

Апас районы Борнаш егете төягечле трактор ясаган

12 июль 2019, 06:00 , Фото: apastovo.ru/news/mөһim-temalar/bornash-egete-marsel-tyagechle-traktor-yasagan

Апас районы Борнаш егете төягечле трактор ясаган Тракторны ул 1 айдан артык җыйган.

(Апас, 12 июль, "Татар-информ", "Апастово-информ").  Апас районы Борнаш авылында яшәүче Гобәйдуллиннар техника серләрен яхшы белә. Марсель кечкенә генә, төягечле трактор ясап куйды. Бу турыда район басмасы хәбәр итә.

Уллары Марсель белән Илназ да әтиләре Фәргать үрнәгендә үсә. Күптән түгел генә Илназ үз тырышлыгы белән трактор ясаган иде. 

–Әлеге тракторның күтәргече дә бар. Аның белән авыл җирендә тирес түгеп, ком-ташларның урынын алмаштырып, кар ташып була. Тракторга кую өчен сәнәкләр дә ясадым. Алар 2 метр озынлыкта. Тирес төяү өчен менә дигән җайланма. Гомумән, нинди генә эшкә тотынсаң да, ярдәмче булачак, – диде Марсель үзе.

Тракторны ул 1 айдан артык җыйган. Күбрәк кичке һәм төнге сәгатьләрдә эшләгән. Җиһазларны иске техникалардан да алган, яңаларны да куйган. Барысын да алдан уйлап, үлчәп, төгәл башкарган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10