ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Җәмгыять

ВИЧ белән авыручы гражданнарга туганын уллыкка алу рөхсәт ителергә мөмкин

11 июль 2019, 17:12

Татарстан Гаилә кодексына үзгәрешләр кертү турында закон проекты кабул ителде.

(Казан, 11 июль, «Татар-информ», Гөлнар Гарифуллина). ВИЧ белән авыручы гражданнарга туганнарын уллыкка алырга рөхсәт биреләчәк. Бүген ТР Дәүләт Советының 49нчы утырышында Татарстан Гаилә кодексына үзгәрешләр кертү турында закон проекты беренче укылышта һәм туаем кабул ителде.

Закон проекты федераль закон белән тәңгәлләштерелә.

Социаль сәясәт комитеты рәисе Светлана Захарова ике үзгәреш кертү ниятләнгәнен әйтте. Аның беренчесе – гаиләдә бала белән яшәгән, ләкин ВИЧ, гепатит кебек авырулары аркасында аны уллыкка ала алмаган кешенең баланы уллыкка алуы турында суд тарафыннан карар кабул ителә алуы белән бәйле. Моңа кадәр авыру кеше рәсми опекун була алмаган.

Икенче үзгәреш нигезендә, пенсиягә әле чыкмаган, ләкин эшли алмаган 55 яше тулган хатын-кызлар һәм 60 яше тулган ир-атларның алимент алуга хокукларын билгеләү күздә тотыла.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10