ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Сәясәт, Рәсми Татарстан

Рөстәм Миңнеханов республикада соңгы биш елда башкарылган эшләргә күзәтү ясады

11 июль 2019, 13:22 , Фото: tatarstan.ru

Рөстәм Миңнеханов республикада соңгы биш елда башкарылган эшләргә күзәтү ясады Соңгы биш елда (2014-2018) социаль ипотека программасы буенча 34,5 мең фатир (2 млн кв.м торак) төзелгән.

(Казан, 11 июль, «Татар-информ», Гөлнар Гарифуллина). Татарстан Президенты Рөстәм Миңнеханов бишенче чакырылыш Дәүләт Советының 49нчы утырышында соңгы биш елда башкарылган эшләргә күзәтү ясады. Парламентның соңгы биш елдагы эшенә бәя бирде.

«Соңгы биш елда (2014-2018) социаль ипотека программасы буенча 34,5 мең фатир (2 млн кв.м торак) төзелгән. 4,5 меңнән артык күп фатирлы торак йорт (24,5 млрд сум), 207 амбулатор сырхауханә учреждениесе (7,8 млрд сум) , 711 мәктәп һәм балалар бакчасы (13 млрд сумнан артык) төзекләндерелгән», - дип сөйләде Президент.

Сорок девятое заседание 
Государственного Совета Республики Татарстан пятого созыва. Принимает участие Президент Республики Татарстан Р.Н. Минниханов.

328 җәмәгать киңлеге ямьләндерелгән (гомуми кыйммәте 8,6 млрд сум), 3500 км төбәк юллары һәм 66 күпер төзелгән һәм төзекләндерелгән. Гомуми мәйданы 3,5 млн кв.м булган 1704 ишегалды территориясе (5,5 млрд сумга якын) төзекләндерелгән.

«Икътисадтагы казанышлар нәтиҗәсендә, гражданнарның тормыш сыйфаты арта. Быел без күләме 40 млрд сумнан артык булган 40 инвестицион программа кысаларында эшне дәвам иттерәбез. Бүген Татарстан – Россиянең уңышлы үсеш алучы, биредә яшәү һәм эшләү дәрәҗәле булган төбәкләренең берсе. Бу – барлык дәрәҗәдәге хакимиятләрнең бердәм эш нәтиҗәсе», - дип ассызыклый Рөстәм Миңнеханов.

Сорок девятое заседание 
Государственного Совета Республики Татарстан пятого созыва. Принимает участие Президент Республики Татарстан Р.Н. Минниханов.

Аның фикеренчә, парламент эшендә фән һәм җәмәгатьчелек белән элемтәләрне тәэмин итү өчен эксперт берләшмәләрен булдыру, «Ачык Татарстан» мәгълүмати порталында закон проектлары буенча фикер алышу мәйданчыгын булдыру уңай чагылыш тапкан.

«Кабул ителгән законнарның гамәлгә ашырылуына игътибар бирелүе дә мөһим. 2016 елда парламент контроле турында закон кабул ителү, 2017 елда законнарны мониторинглау буенча махсус комиссия булдыру шуңа ирештергән», - ди ул. Президент бишенче чакырылыш депутатларына нәтиҗәле эшләре өчен рәхмәтен җиткерде һәм яңа чакырылыш депутатларына ышанычын белдерде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10