ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

«Казанские ведомости» баш мөхәрриренә «Тынычлык розасы» алтын медале тапшырылды

11 июль 2019, 12:49 , Фото: Султан Исхаков

«Казанские ведомости» баш мөхәрриренә «Тынычлык розасы» алтын медале тапшырылды Россия Журналистлар берлеге сәркатибе Роман Серебряный Венера Абдулла кызына «Россия Журналистлар берлегенә 100 ел» медален бүләк итте.

(Казан, 11 июль, «Татар-информ»). «Казанские ведомости» газетасының баш мөхәррире Венера Якупова «Тынычлык розасы» алтын медале белән бүләкләнде. 6 июльдә ул үзенең юбилеен билгеләп үтте.

Баш мөхәррир әлеге халыкара бүләккә «БМО-ЮНЕСКОның зур халыкара проектларын гамәлгә ашыруда, шулай ук тынычлык, толерантлык, этноконфессиональ килешү һәм цивилизацияләр диалогы мәдәни кыйммәтләрен раслауда актив катнашуы өчен» лаек булды.

Венера Якуповага күпьеллык хезмәте өчен «Тынычлык розасы» алтын медален Дөнья мәдәнияте институты (ЮНЕСКО) ректоры, «Европа-Азия» Халыкара гуманитар академиясе президенты, академик Энгель Таһиров тапшырды. Россия Журналистлар берлеге сәркатибе Роман Серебряный Венера Абдулла кызына «Россия Журналистлар берлегенә 100 ел» медален бүләк итте.

  • Венера Якупова - Татарстанның атказанган мәдәният хезмәткәре, ТР һәм Россия Язучылар берлекләре, ТР һәм Россия Журналистлар берлекләре әгъзасы, ТР Журналистлар берлеге рәисе урынбасары.
  • Кырым татарларының үз Ватаннарына кайтуы турында язмалар сериясе өчен ТР Журналистлар берлегенең Х.Ямашев исемендәге премиясе (1990), мәгълүмат һәм матбугат өлкәсендәге казанышлары өчен Казан шәһәренең Мактау грамотасы (1999) белән бүләкләнгән. «Молодежь Татарстана» газетасында «100 историй о суверенитете» дигән язмалар сериясе өчен «Канатлы барс» иҗади бәйгесе җиңүчесе (1994).
  • «Казанские ведомости» газетасында «Суверенитет турында 100 тарих» рубрикасы астында дөнья күргән мәкаләләр циклы өчен «Елның иң яхшы язмалары» номинациясендә «Алтын каләм-2000» республика журналистлар бәйгесе лауреаты (2001). «Бөтенроссия халык санын алудагы казанышлары өчен» (2003), «Казанның 1000 еллыгы истәлегенә» (2005) медальләре, «Мәдәнияттәге казанышлары өчен» күкрәк билгесе, «Фидакяр хезмәте өчен» медале (2019) белән бүләкләнгән. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10