ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Биология фәннәре докторы бал кортлары үлүенең төп сәбәбен атады

11 июль 2019, 11:25 , Фото: Салават Камалетдинов

Биология фәннәре докторы бал кортлары үлүенең төп сәбәбен атады Умартачылар еш кына кырларның агулы химикатлар белән эшкәртелүе турындагы мәгълүматны вакытында алмый, дип искәртте биология фәннәре докторы.

(Казан, 11 июль, «Татар-информ», Екатерина Фадеева). Татарстан Республикасында бал кортларының күпләп үлүендә төп сәбәп – умартачылар һәм аграрийлар арасында элемтәләр булмау дип саный КФУның Экология һәм табигатьтән файдалану институтының гамәли экология кафедрасы профессоры, биология фәннәре докторы Малик Мөкминов.

«Кызганыч ки, игенчелек өлкәсендә умартачылар һәм аграрийлар арасында элемтәләрнең булмавы бал кортлары үлемендә төп сәбәп булып тора. Кырларны эшкәртү вакыты килештерелми, теге яки бу агулы химикатны куллану кагыйдәләре бозылуы да ихтимал. Умартачылар еш кына чәчүлекләрне эшкәртү турындагы мәгълүматны вакытында алмый», - диде Мөкминов.

Шулай ук әлеге проблеманың барлыкка килү вакытын да исәпкә алырга кирәк. Хәзерге вакытта корт гаиләләренең максималь үсеше күзәтелә, алар бал җитештерү өчен актив рәвештә нектар җыя. Икенче яктан, авыл хуҗалыгы культураларын төрле пестицид һәм гербицидлар белән эшкәртәләр, дип хәбәр итте эксперт.

Бал кортларының күпләп үлү сәбәбен серкә, балавыз һ.б. умартачылык продуктларына лаборатор сынаулар үткәргәннән соң гына белеп булачак.

«Корт гаиләсенең үлеме – бездә баллы үсемлекләрнең чәчәк ату чоры шактый кыска булганлыктан, умартачы өчен һәрвакытта да зур бәхетсезлек», - дип сүзен йомгаклады Мөкминов.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10