ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Авыл

Баулыда терлек азыгы әзерләү эшләре дәвам итә

11 июль 2019, 02:00 , Фото: bavly-tat.ru/

Баулыда терлек азыгы әзерләү эшләре дәвам итә Барлыгы 12 мең тонна печән, 15 мең тонна сенаж әзерләнгән.

(Баулы, 11 июль, "Татар-информ", "Баулы-информ", Индира Сәйфуллина). Баулы районының бүгенге көндә райондагы хуҗалыкларның һәрберсендә кышка мал азыгы хәзерләүнең кызган вакыты. Бу турыда авыл хуҗалыгы һәм азык-төлек җитештерү идарәсе начальнигы Фәрит Кыямов сөйләде, дип хәбәр итә җирле басма. 

"Бүгенге көндә биш мең гектар мәйданда берьеллык һәм күпьеллык үләннәр чабып алынган. Бу барлык мәйданның 75 процентын тәшкил итә. Барлыгы 12 мең тонна печән, 15 мең тонна сенаж әзерләнгән. Бу сан белән әлегә бер баш мөгезле эре терлеккә 12, 2 центнер хисабыннан азык берәмлеге хәзерләнгән дип әйтергә мөмкин", – дип сөйләде ул.

Җитәкче сүзләренчә, мал азыгын вакытында кырдан җыеп алу күпкә отышлырак, анда кирәкле витаминнар, туклыклылык саклана. Әлбәттә, бу тырышлык, эшне оештыра белүне тәлап итә.

-Бүгенге көндә мал азыгы запасын хәзерләү белән беррәттән, урып-җыю эшләренә дә әзерлек алып барабыз, – ди Фәрит Кыямов.– Мал азыгы хәзерләүне дә вакытында уңышлы төгәлләп чыгарбыз дип өметләнәбез. Һава шартлары уңай. Шулай ук һәр елдагыча район оешма, предприятиеләре көче белән, хуҗалыкларга ярдәм йөзеннән, яфрак азык әзерләү эше дә оештырылды.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10