ҺАВА ТОРЫШЫ +27 oC

Яңалыклар

барлык хәбәрләр Татарстан Россия

Авыл

Энгель Фәттахов республикакүләм савымчылар бәйгесендә җиңүче белән очрашты

10 июль 2019, 06:00 , Фото: Лилия Бәхтиева

Энгель Фәттахов республикакүләм савымчылар бәйгесендә җиңүче белән очрашты Гүзәл Әхмәтова "Актаныш савымчысы” дигән данлыклы исемне Татарстан югарылыгына чыгарган.

(Актаныш, 10 июль, "Татар-информ", "Актаныш таңнары", Лилия Бәхтиева). Актаныш муниципаль районы башлыгы Энгель Фәттахов унөч ел хезмәт стажына ия җиңүчене хакимият йортында кабул итеп, Гүзәл ханымга чиксез рәхмәт һәм хөрмәт сүзләрен шәхсән ирештерде. Бу турыда җирле басма хәбәр итә.

Моннан бер ай элек Актаныш районының терлекчелек тармагы хезмәтчәннәре, тәүлеклек савымны 250 тоннага җиткереп, бөтен Татарстанны таң калдырды. Бу – безнең зур җиңү иде. Күптән түгел исә “Башак” хуҗалыгы савымчысы Гүзәл Әхмәтова республикакүләм савымчылар бәйгесендә дәрәҗәле беренче урынны яулап, Актаныш савымчысы дигән данлыклы исемне Татарстан югарылыгына чыгарды.

"Сезнең республикакүләм бәйгедә беренче урын алуыгыз минем өчен зур сөенеч булды. Хезмәтегез өчен рәхмәт! Оста һөнәр иясе булуыгызны республикага таныттыгыз, киләчәктә дә хезмәтегездә, гаилә тормышыгызда уңышлар юлдаш булсын", - диде Энгель Фәттахов.

Ул Гүзәл Әхмәтовага үзенең Рәхмәт хатын һәм истәлекле бүләк тапшырды.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10