ҺАВА ТОРЫШЫ +27 oC

Яңалыклар

барлык хәбәрләр Татарстан Россия

Спорт

Антон Шибалов экипажы “Ефәк юлы” марафонының беренче этабында икенче булды

7 июль 2019, 11:07

Андрей Каргинов җитәкчелегендәге “Камаз-мастер” экипажы дүртенче булып килде.

(Казан, 7 июль, “Татар-информ”). Антон Шибалов җитәкчелегендәге “Камаз-мастер” Россия командасы “Ефәк юлы” ралли-рейдының беренче этабында йөк машиналары ярышында финишка икенче булып килде. Ул Иркутскидан Байкальскига кадәр 51 чакрымлы махсус участокны 35 минут 28 секундта узган. Бу хакта ТАСС хәбәр итә.

Бу этапта беренче булып белорус Сергей Вязович (МАЗ) экипажы килгән. Ул дистанцияне 34 минут 32 секундта узган.

Өченче урынны 2,36 минутка соңга калып, аның ватандашы Алексей Вишневский (МАЗ) алды.

Андрей Каргинов җитәкчелегендәге “Камаз-мастер” экипажы дүртенче булып килде (3.27). Сигезенче булып Сергей Куприянов(4.35), 12 нче булып Айрат Мәрдиев (8.31) килде. Болеслав Левицкий (ГАЗ) 11 нче (6.47), Михаил Шкляев (ГАЗ) 15 нче (11.69) булып килде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10