ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Рәсми Татарстан, Фән һәм мәгариф

Рөстәм Миңнеханов БДИны 399 баллга тапшырган укучыга уңышлар теләде

6 июль 2019, 12:20 , Фото: president.tatarstan.ru

Рөстәм Миңнеханов БДИны 399 баллга тапшырган укучыга уңышлар теләде Чыгарылыш сыйныф укучысы Татарстан Хөкүмәте Йортында узган киңәшмәдә чыгыш ясады.

(Казан, 6 июль, «Татар-информ»). Татарстан Президенты Рөстәм Миңнеханов Ш.Мәрҗани исемендәге 2 нче татар гимназиясе чыгарылыш сыйныф укучысы Рамил Баһавиевка укуында уңышлар теләде. Ул Бердәм дәүләт имтиханнарын 399 баллга тапшырган. Аны Татарстан Хөкүмәте Йортында узган киңәшмәгә чакырганнар. Бу хакта Казан Кремленең рәсми вәкиле Лилия Галимова сөйләде.

«Татарстан Президенты бу очрак чыгарылыш сыйныф укучыларының татар гимназиясендә белем алуын һәм югары нәтиҗәләргә ирешүен күрсәтүен әйтте», - диде Лилия Галимова.

Рөстәм Миңнеханов Рамил Баһавиевның әти-әнисенә рәхмәт әйтте. Тиешле министрлыкларга һәм ведомстволарга, шулай ук Казан федераль университетына чыгарылыш сыйныф укучысына игътибар белән карарга кушты. «Мондый сәләтле балаларга һичшиксез аерым игътибар бирергә кирәк», — диде ТР Президенты.

Бүгенге киңәшмә Рамил Баһавиев чыгышы белән ачылды. Ул татар гимназиясендә уку процессы турында сөйләде һәм Лобачевский исемендәге Казан федераль университетының Математика һәм механика институтына укырга керү планнары белән уртаклашты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10