ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Татар дөньясы

Алтай краеның Бөкер авылы юбилеена ун район һәм дүрт шәһәрдән җыелганнар

6 июль 2019, 09:51

Алтай краеның Бөкер авылы юбилеена ун район һәм дүрт шәһәрдән җыелганнар Бәйрәм уңаеннан җирлектә Сабан туе уздырылган.
(Казан, 6 июль, “Татар-информ”). Алтай крае Бөкер авылының 155 еллыгын бәйрәм итәргә ун район һәм дүрт шәһәрдән килгәннәр. Чарада Бөтендөнья Татар конгрессы вәкиле Алмаз Нургалиев та катнашкан. Бу хакта “Татар-информ” мәгълүмат агентлыгына җирле татар яшьләренең “Дулкын” оешмасы активисты хәбәр итте. 
 
Торак пункт Угловский районында, Россия һәм Казахстан чигендә урнашкан. Район башлыгы Валерий Шефер кунакларны татар телендә сәлапләп, котлаган. 
 
Бәйрәм уңаеннан, авылда Сабан туе оештырылган. Иң җитезләргә бүләкләр дә тапшырылган. 
 
Концерт программасын җирле иҗади коллективлар әзерләгән. “Дулкын” активистлары исә спорт ярышлары оештырган. Көрәшүчеләрне РФ Көрәш Федерациясенең җирле бүлеге вәкилләре Сергей Мустафин һәм Илья Пасмуров бәяләгән. Абсолют батыр булып Дмитрий Козырев калган. 
 
Бәйрәм “Алтай краенда дәүләт илкүләм сәясәтен тормышка ашыру” программасы нигезендә үткәрелгән. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10