ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Ялга киткән коллегаларын алыштыручыларга хезмәт хакы ничек түләнәчәге аңлатылды

5 июль 2019, 14:17

Хезмәткәрләрне алыштыруның берничә варианты (урынына калу, вакытлыча күчерү һәм вакытлы хезмәткәр яллау) карала.

(Казан, 5 июль, «Татар-информ»). Хезмәт һәм мәшгульлек федераль хезмәтендә чираттагы ялга киткән коллегаларын алыштыручыларга хезмәт хакы ничек түләнәчәген аңлаттылар. Бу хакта «Российская газета» яза.

Хезмәткәрләрне алыштыруның берничә варианты (урынына калу, вакытлыча күчерү һәм вакытлы хезмәткәр яллау) карала.

Вакытлыча күчерү бары тик чираттагы ялга киткән коллеганың эшен башкаруны гына күздә тота.

Коллегасы урынына калган вакытта хезмәткәр үзенең буш вакытын икенче хезмәткәр өчен өстәмә эш башкаруга сарыф итә. Бу очракта хезмәткә түләү суммасы өстәмә килешүдә күрсәтелә, ул башкарылган эшнең вакытына һәм күләменә бәйле.

Мондый алым хезмәткәрнең язмача килешүе белән генә тормышка ашырыла ала. Шул ук вакытта, хезмәткәр җитәкче тәкъдим иткән өстәмә эштән баш тартырга да мөмкин.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10