ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Хәвеф-хәтәр

Чаллыда спиртлы эчемлек сатмаган өчен сатучыга таш бәргән егетне тоткарлаганнар

4 июль 2019, 18:16

Әлеге хәл шәһәр үзәгендә тәүлек буе эшли торган супермаркетта булган.

(Казан, 4 июль, «Татар-информ»). Чаллыда спиртлы эчемлекләр сатудан баш тарткан өчен сатучыга таш бәргән егетне тоткарлаганнар. Бу хакта «Дельта» хосусый сак фирмасы хәбәр итте.

Тревога сигналы предприятие мониторингы пультына иртән шәһәр үзәгендә тәүлек буе эшли торган азык-төлек кибетеннән кергән.

«Каравылчы егетнең сатучы белән әрләшүен күреп ала. Егет күптән түгел генә хәмер сатуны таләп иткән икән, тик сатудан баш тартканнар. Нәтиҗәдә, ул зур ташны эләктереп, кибет хезмәткәренә аткан, әмма таш кибетчегә кадәр барып җитә алмаган», – дип сөйләделәр «Дельтада»да.

Каравылчы егетне тоткарлый һәм аны полиция хезмәткәрләренә тапшыра.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10