ҺАВА ТОРЫШЫ +27 oC

Яңалыклар

барлык хәбәрләр Татарстан Россия

Спорт

Актаныш районы башлыгы Россиянең спорт мастеры белән очрашты

30 июнь 2019, 23:00 , Фото: Лилия Бәхтиева

Актаныш районы башлыгы Россиянең спорт мастеры белән очрашты
Энгель Фәттахов Актанышта Марат Солтанов катнашында өстәл теннисы буенча турнир үткәрергә тәкъдим итте.

(Актаныш, 30 июнь, "Татар-информ", "Актаныш таңнары", Лилия Бәхтиева). 28 июньдә Актаныш районы башлыгы Энгель Фәттахов өстәл теннисы буенча Россиянең спорт мастеры Марат Солтанов белән очрашты. Марат – өлкәннәр арасында Россиянең спорт мастеры дәрәҗәсенә 16 яшендә ирешкән спортчы. Бу турыда җирле басма хәбәр итә.

Марат яулаган үрләрнең башлангычында аның әтисенең - Актаныш районында өстәл теннисына җан өргән, балаларда әлеге спорт төренә карата кызыксыну уяткан, бүгенге көндә бу юнәлештә төрле ярышларда югары нәтиҗәләргә ирешкән спортчылар тәрбияләүче Булат Солтановның роле әйтеп бетергесез.

Кайчандыр өстәл теннисына әтисенә ияреп кереп киткән кечкенә егет инде илкүләм танылу алды. Бүген ул Татарстан җыелма командасы составында республика данын яклап төрле илләрдә чыгыш ясый. Ул Россиянең резерв җыелма командасы составында, нәтиҗәләре буенча – меңнәр арасында тугызынчы урында торса, Татарстан буенча үз яшь категориясендә беренчелекне били.

Очрашу барышында район башлыгы Энгель Фәттахов Актанышта Марат Солтанов катнашында өстәл теннисы буенча турнир үткәрергә тәкъдим итте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10