ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Җәмгыять

Диетологлар балалар кулланган татлы ризыкның зарарлы нәтиҗәләре турында сөйләде

30 июнь 2019, 15:05

Баллы ризык ашап-эчеп үскәннәр зурайгач та шикәр микъдары югары булган ризыкка өстенлек бирәчәк.

(Казан, 30 июнь, «Татар-информ»). Ата-аналар балаларның төрле тәм-томнарны артык куллануына юл куярга тиеш түгел. Шул турыда Француз диетологлары искәртә. Бу хакта ТАСС хәбәр итә.

Француз санитар иминлек агентлыгы докладында билгеләп үтелгәнчә, шикәрле продуктларны даими кулланган балалар зурайгач та шикәр микъдары югары булган ризыкка өстенлек бирәчәк.

Хәзер Француз балалары арасында дүрт яшендәгеләрнең 75 проценты, сигез яшьтән 12 яшькәчә балалар арасында – 60, 13тән 17 яшькәчә балалар арасында 25 проценттан артыгы баллы ризыкларны кирәгеннән артык куллана.

«Бу чорда балаларда бөтен тормыш дәвамында сакланачак аерым тәртип һәм гадәтләр формасы салына», - диделәр белгечләр. Шуңа бәйле рәвештә, алар җиләк-җимеш сокларын да кертеп, татлы эчемлекләр куллануны чикләргә киңәш итә. Моннан тыш, коры иртәнге ашларга сак карарга кирәк.

«Рационда артык шикәр авыз куышлыгы гигиенасында чагылыш таба», – диде диетолог Флоранс Фуко LCI телеканалына биргән интервьюсында.

«Татар-информ» элек диетологларның тәм-томнан ничек баш тартырга кирәклеге турында сөйләвен хәбәр иткән иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10