ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Фән һәм мәгариф

Татарстанның дүрт югары уку йорты иң яхшы университетлар исемлегенә кергән

27 июнь 2019, 21:21 , Фото: архив/Михаил Захаров

Татарстанның дүрт югары уку йорты иң яхшы университетлар исемлегенә кергән Forbes версиясе буенча Россиянең иң яхшы 100 университеты исемлеге төзелгән.

(Казан, 27 июнь, «Татар-информ»). Forbes версиясе буенча Татарстанның дүрт югары уку йорты Россиянең иң яхшы 100 университеты исемлегенә кергән. Бу турыда журналның матбугат хезмәте хәбәр итә.

Казанның югары уку йортлары арасында иң югары урынны (23) Казан (Идел буе) федераль университеты алып тора, ул рейтингта 43,88 балл җыйган. 55нче урынны 39,99 балл белән Россия Сәламәтлек саклау министрлыгының Казан дәүләт медицина университеты били.

А.Н.Туполев исемендәге Казан илкүләм тикшеренү техник университеты – КАИ (39,49) 63нче һәм Казан илкүләм тикшеренү технология университеты (38,77) 75 нче урыннарны алган.

Рейтинг лидерлары арасында Мәскәү югары уку йортлары бар. Гомуми нәтиҗәләр буенча «Мәскәү корыч һәм эретмәләр институты» илкүләм тикшеренү технология университеты 54,11 балл, Мәскәү дәүләт халыкара мөнәсәбәтләр институты 52,24 балл, Мәскәү физика-техник институты 52,01 балл җыйган.

Тикшерү Россия Мәгариф һәм фән министрлыгы әзерләгән 1 меңнән артык югары белем бирү учреждениеләре эшчәнлегенең нәтиҗәлелеге мониторингы нигезендә башкарылган. Рейтинг төзегәндә белем бирү сыйфаты, шулай ук чыгарылыш сыйныф укучыларын эшкә урнаштыру, аларның регионнарда ихтыяҗы, алар арасында эшмәкәрләр саны турында статистик мәгълүматлар исәпкә алынган.

Шулай ук Forbes исемлегенә кергән Россия элитасының 1,6 меңнән артык вәкиле, аларның балалары, шәхси һәм дәүләт компанияләре җитәкчеләре, түрәләр һәм депутатлар исемлеге өйрәнелгән.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10