ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Авыл

Россиядә пенсиягә өстәмә алучы һөнәрләр исемлеге билгеле

26 июнь 2019, 16:41

Яңа исемлеккә авыл хуҗалыгы техникасына хезмәт күрсәтү һәм ремонтлау эшләрен үз эченә алган вазифалар керде.

(Казан, 26 июнь, «Татар-информ»). Россия Премьер-министры Дмитрий Медведев пенсиягә 25 процент өстәмә түләүләргә дәгъва кылучы авыл хуҗалыгы һөнәрләре исемлеген киңәйтү турындагы карарга кул куйды. Документ кичә хокукый мәгълүматның рәсми интернет-порталында басылып чыкты.

Яңа исемлеккә авыл хуҗалыгы техникасына, җитештерү җиһазларына хезмәт күрсәтү һәм ремонтлау, шулай ук авыл хуҗалыгы объектларына хезмәт күрсәтү белән шөгыльләнүче һөнәр ияләре, вазифалар һәм белгечлекләр керде.

Карарда авыл хуҗалыгы продукциясе җитештерүче шәхси эшмәкәрләр дә бар.

Документ кул куелган көннән үз көченә керә.

Пенсиягә өстәмә алу өчен берничә шарт үтәлергә тиеш: кеше даими рәвештә авыл җирендә яшәргә, авыл хуҗалыгында 30 елдан да ким булмаган хезмәт эшчәнлеге стажы булырга һәм мәҗбүри пенсия иминиятенә ия башка эш белән шөгыльләнмәскә тиеш.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10