ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Хәвеф-хәтәр

700 мең бурыч өчен Лениногорскида туй кортежы автомобиленә арест салганнар

25 июнь 2019, 17:11 , Фото: УФСИН РФ по РТ

700 мең бурыч өчен Лениногорскида туй кортежы автомобиленә арест салганнар
 Бурычлының бурычларын түләү өчен 10 көне бар, шул вакытта түләнмәгәндә приставлар аның машинасын кредит оешмасына тапшырачак.

(Казан, 25 июнь, «Татар-информ»). Лениногорскида 700 мең сумлык бурычы өчен приставлар туй кортежы автомобиленә арест салганнар. Бу хакта Россия Федераль суд приставлары хезмәтенең Татарстан буенча идарәсе массакүләм мәгълүмат чаралары белән хезмәттәшлек буенча баш эксперт-белгече Лилия Хәлимова хәбәр итте.

«Лениногорск кешесе кредит буенча бурыч түләмәгән һәм банкларның берсе аны бурычны түләтү турында судка биргән. Тиешле башкарма кәгазь Лениногорск районы суд приставлары бүлегенә кергән, анда бурычлы кешегә карата башкару эше ачылган», – дип сөйләде Лилия Хәлимова.

Кредит оешмасының залогында түләмәүченең «Хендэ» машинасы була. Ул аны приставлардан яшергән, ләкин машина Никахлашу сарае капкасы янында табып алынган.

Пристав-башкаручы чит ил машинасын кулга ала. Хәзер бурычлының бурычларын түләү өчен 10 көне бар. Түләнмәгән очракта машина кредит оешмаларына тапшырылачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10